ແຈ້ງການ! ຄົນຕ່າງປະເທດທີ່ເຮັດວຽກຢູ່ ສປປ ລາວ ຕ້ອງມີປະກັນໄພສຸຂະພາບ ເພື່ອປະກອບເອກະສານພັກເຊົາ

ອີງຕາມແຈ້ງການສະບັບເລກທີ 1824/ຕຄຕ, ລົງວັນທີ 17 ມີນາ 2026 ຈາກກົມຕຳຫຼວດຄຸ້ມຄອງຄົນຕ່າງປະເທດ, ກະຊວງປ້ອງກັນຄວາມສະຫງົບ, ໄດ້ມີການກຳນົດລະບຽບການໃໝ່ ກ່ຽວກັບການຈັດຕັ້ງປະຕິບັດການຊື້ ປະກັນໄພສຸຂະພາບ ສຳລັບແຮງງານຕ່າງປະເທດທີ່ເຂົ້າມາເຮັດວຽກຢູ່ ສປປ ລາວ.

1. ເງື່ອນໄຂສຳລັບແຮງງານຕ່າງປະເທດ

• ກໍລະນີຍັງບໍ່ມີປະກັນໄພ: ແຮງງານຕ່າງປະເທດ ຫຼື ຜູ້ຊ່ຽວຊານ ທີ່ຍັງບໍ່ທັນມີປະກັນໄພສຸຂະພາບ ຫຼື ປະກັນໄພຊີວິດ ແມ່ນຕ້ອງໄດ້ຊື້ ຫຼື ຕໍ່ສັນຍາປະກັນໄພຢູ່ ໜ່ວຍບໍລິການປະກັນໄພ ທີ່ຕັ້ງຢູ່ຕຶກກົມຕຳຫຼວດກວດຄົນເຂົ້າ-ອອກເມືອງ (ຊັ້ນ G).

• ກໍລະນີທີ່ມີປະກັນໄພແລ້ວ: ສຳລັບຜູ້ທີ່ມີປະກັນໄພສຸຂະພາບນຳບໍລິສັດໃດໜຶ່ງແລ້ວ, ແມ່ນໃຫ້ ກັອບປີໃບຢັ້ງຢືນ ຫຼື ບັດປະກັນໄພ ຕິດຄັດໃສ່ຊຸດເອກະສານທຸກຄັ້ງ ເພື່ອຂໍຂຶ້ນທະບຽນ ແລະ ອອກບັດອະນຸຍາດພັກເຊົາ (Stay Permit).

2. ວັນທີເລີ່ມຈັດຕັ້ງປະຕິບັດ

ລະບຽບການດັ່ງກ່າວໄດ້ເລີ່ມຈັດຕັ້ງປະຕິບັດຢ່າງເຂັ້ມງວດ ນັບຕັ້ງແຕ່ວັນທີ 23 ມີນາ 2026 ເປັນຕົ້ນໄປ.

ບໍລິການຈາກ BPH Service

ເພື່ອອໍານວຍຄວາມສະດວກໃຫ້ແກ່ຫົວໜ່ວຍທຸລະກິດ ແລະ ແຮງງານຕ່າງປະເທດ, BPH Service ຂອງພວກເຮົາພ້ອມໃຫ້ຄຳປຶກສາ ແລະ ຊ່ວຍເຫຼືອໃນການຈັດຕຽມເອກະສານ ເພື່ອໃຫ້ຖືກຕ້ອງຕາມລະບຽບການໃໝ່ຂອງທາງການ.

ຄຳແນະນຳ: ການກະກຽມປະກັນໄພໃຫ້ຄົບຖ້ວນ ຈະຊ່ວຍໃຫ້ຂັ້ນຕອນການຂໍບັດພັກເຊົາຂອງທ່ານມີຄວາມສະດວກ ແລະ ວ່ອງໄວຂຶ້ນ.

ຕິດຕໍ່ສອບຖາມຂໍ້ມູນເພີ່ມເຕີມໄດ້ທີ່:

• ເບີໂທລະສັບ: +856 20 9996 9879

• ເວັບໄຊ: www.bphvisa.com

• ທີ່ຕັ້ງ: ຖະໜົນ T2 ບ້ານໜອງດ້ວງ ເມືອງສີໂຄດຕະບອງ ນະຄອນຫຼວງວຽງຈັນ.

Powered by Froala Editor